THE BOOK OF ELAIJA

JAMANI NIFARIJINI

Ninaanza kwa huzuni,yale yaliyonikuta,

Sio kwamba niutani,ni kweli yamenipata,

Nilimpenda jamani,mpenzi wangu matata,

Mpenzi wangu amekufa,jamani nifarijini.

Tuliishi kwa amani,bila ya korofishana,

Nami nilimuamini,nikamuweka bayana,

Wengine kaweka chini,nikabaki nae bwana,

Mpenzi wangu amekufa,jamani nifarijini.

Tuliyapanga vizuri,mambo yetu bila keke,

Akalipa na mahari,ili niwe wake mke,

Mambo yalikua shwari tena bila ya makeke,

Mpenzi wangu amekufa,jamani nifarijini.

Wazazi walitambua,jinsi tulivyopendana,

Wakatupa na usia,kwetu sisi waungwana,

Usia tulipokea,dua tukaombeana,

Mpenzi wangu amekufa,jamani nifarijini.

Harusi ilipowadia,watu wakakusanyika,

Wengi wakafurahia,nami nikaunganika,

Sikua nayo furaha,kwani wangu hakufika,

Mpenzi wangu amekufa jamaninifarijini,

Ikatufika khabari,kipenzi amenitoka,

Kamwe sikua tayari tendo hilo kunifika,

Niliiyona bahari,kwa mbali yanizunguka,

Mpenzi wangu amekufa jamani nifarijini.

Ghafra nikaona kiza,chanijia mbele yangu,

kutwa kucha najiliza,sina mfariji wangu,

jamani nimepoteza,aliyekua wa kwangu,

mpenzi wangu amekufa,jamani nifarijini.

PENZI ULILONIPATIA

Penzi ulonipatia,penzi uloniachia,

Utamu linifikia,daima najivunia,

Raha zilivonijia,nikatamani enderia,

Penzi ulonipatia.

Hakika nilijilamba,lipoondoa ushamba,

Ukanifungua kamba,mapambo ukanipamba,

Najivuna najigamba,we binti usojilemba,

Penzi uliloniachia,

Ingawaje siku tatu,siku lizonipa vitu,

Siwezi sahau katu,ewe binti wa kibantu,

kweli sikushindi kitu,nawatangazia watu,

Utamu linifikia.

Hapa ukijinilamba,pale nikukutenda

Hapa ukijinipumba,pale huwezi kwenda,

Hata watu wa kipemba,watakusifu kunipenda,

Daima lijivunia.

Hisia zangu moyoni,kumbe unavyozijua,

Nipokutizama soni,kama unaomba dua,

Kileleni kufikia,na mimi ninapumua,

Raha nika kumwagia,

NAKUPENDA MPENZI

Wewe ndio langu jua, kizani umenitoa,

Dia nimekuchagua,kwenye hii dunia

Kwako tuli metulia,Wanichombeza kwa penzi,

zuri ka tamthilia,Nakupenda mpendwa,

Nakupenda mpendwa,pasi na kufikiria

Mpenzi wangu nilinde,Mbali sana nisiende,

Tena pia unipende,Usinifanye nikonde,

Nakupenda mpendwa,pasi na kufikiria,

Nakupenda mpendwa,pasina kufikiria,

Nakupenda mpendwa,pasinakufikiria.

Kila baya kila zuri,Na kwako ulipende,

silifanye mauwende,utanifanya nikonde,

Mpendwa unilinde,mbali sana usiende,

Nakupenda mpendwa, pasi na kufikiria.

Nakupenda mpendwa,pasina kufikiria.

Mpenzi wangu nilinde,kwengineko nisiende,

Usifanye nijutie,Nijutie ulimwende,

Kwako tuli metulia,Kwa mwingine nisende,

Nakupenda mpendwa,pasi na kufikiria,

Nakupenda mpendwa,pasina kufikiria.

Unilinde mpendwa,mbali sana nisiende

Kwako tuli metulia,kwa mwingine nisiende

Nakupenda mpendwa,Nakupenda kwa gwaride

Tena ikiweza kana,Na wewe pia unipende

Nakupenda mpendwa, pasina kufikiria

Nipende mpendwa,Usinifanye nikonde

Usinifanye nijutie,Nijutie ulimbwende

Unipende mpendwa,Mbali sana nisiende

Ukiwa kimya mpendwa,Utanifanya nikonde

Nakupenda mpendwa,pasina kufikiria

Nakupenda mpendwa,kwa mwingine nisiende,

Usimuone mwalimu,Ukataka uumpende,

Haujui halitakalo,kwake ni ulimbwende,

Kwa wengine usiende,wa kwako nikupende,

Nakupenda mpendwa, pasi na kufikiria.

ANAPENDA KUOLEWA

Mawazo yake dada ngu,anawaza kuolewa,

Ajikalie kwa chungu,moto wake kuchochewa,

Aoshe viombo chungu,na sabuni atapewa,

Anawaza kuolewa,Anawaza dada yangu.

Atamania kuzaa,ajivunie watoto,

Kamwe hawezi kata,autunze ujauzito,

Na dunia yashangaa,kulea kutunza wito,

Aolewe dada yangu,anawaza dada yangu.

Anatamani mapenzi,kitu hicho matatuzi,

Kinompa gugumizi,yu mpweke hana buzi,

Aibu kitu kishenzi,kiletacho uchokozi,

Chamnyima mume dada,anawaza dada yangu

Enyi vijana tulivu,namleta kwenu dada,

Wa mwenendo mkamavu,sanda kalawe kushinda,

Onesheni uangavu,kimpata tampenda

Ofa malumu naleta,anapenda kuolewa

Mwanaume na mwanamke,ndio nguzo ya umoja,

Wito mikono tushike,tushikamane pamoja,

Ujasiri tujivike,familia kujengia,

Majukumu tujitwike,anapenda kuolewa

Ofa malumu naleta,wajunzi twanga pepeta,

Chelewaye sijejuta,sinambie sikupata,

Naogopa mi kusutwa,habari hiyo ni nyota,

Atakaye ameshinda,anawaza dada yangu.

Dada mwenyewe kigori,bikira ni mwanamwari,

Mrembo huyo mdori,mchapa kazi kijori,

Sura na rangi mzuri,msomi wa seKondari,

Elimu yake nasema,anawaza kuolewa.

Mwenyezi mungu kaumba,urembo nao kapamba,

Pendo jema si kasumba,namtangaza mchumba,

Tabia meitambua,mchapa kazi najua,

Sababu ni dada yangu,anawaza kuolewa.

Mfupi si mbilikimo,rangi yake kahawia,

Mashavuni na vishimo,nyuma tako katupia,

Hapaki tope domoni,nywereze ujisukia

Ni mrembo wa asilia,anapenda kuolewa

Hapatikani Asia,Hapatikani Ameika,

Zunguka zungu dunia,pande zote Afirika,

Watu wa kitanzania,binti huyo kaumbika,

kimpata taniambia,anapenda kuolewa

Hataki kuja chezewa,anataka kupepewa,

Ndoa ikishafungiwa,baraka mkigawiwa,

Muishi kivumiliwa,penye shida kutatuwa,

Mume na mke pamoja,mujeishi kwa umoja.

JAPO NIKUONJE KISHA NIKUACHE.

toto zuri mwanayamara,mekuona mependeza,

Safari yako mbagara,ninakuomba geuza,

Mwendo nazako ishara,moyo wangu ukipoza

Simama nikueleze,moyo wangu usikwaze

mevutiwa na madaha,maringo yako we dada,

toto zuri ye jaziha,hakuna mwingine Dar

fungua moyo paziha,uzuri wako my dia

Nikwite majina yote,sweet wangu malikia.

Nimesikia dunia,pesa ndio yaongea,

mifuko livyojazia,taratibu wasogea,

twende ukanitumia,mwanadada naongea,

Pesa nguvu ya dunia,kwa maneno na vitendo.

Buzi lako unichune,kwa mishikaki na chipsi,

Pesa ni makaratasi,nipe radhi mezitusi,

Kunywa mtoto upesi,pata raha za ukwasi,

mimi nimeshakupenda,nani mwingine…..? hakuna.

Kula mtoto kunywa bia,nipapase nishalewa,

Cheza we cheza sikia,ile michezo kikubwa,

watu watakusikia,punguza ninapagawa,

OOOhsh!! OOOhsh!! , jamani nahisi raha.

Nikutumie kwa muda,kisha nikuache zako,

Mi nimevikwa shahada,sina mengi malamiko,

Nikimpenda mwanadada,wala sipati sumbuko,

Ndivyo dunia mejua,sitarehe ni gharama.

Siulize we wangapi?,wengi nimewatumia,

Siulize mepatapi?,pesa inawavutia

Hata kama mi mfupi,na nisiyewavutia,

pesa maisha mafupi,ndiyo inajisemea,

Hujui nipo salama,au sijawa imara,

Kinga haina maana,kwangu kizee kipara,

Dunia ninayojua,kutumia kutawara,

Wadhaifu chini jua,hunifuata hatua.

Tamati naondokia,asubuhi pambazuka,

Mifuko imenishia,sina pa kupumzika,

Chumvi nimeshajilia,familia sikujaliwa,

Sababu ya sitarehe,nakulala hotelini.

NAKUPENDA WEWE KAKA

Nakupenda wewe kaka,moyoni umeshatua,

Yani kwako nimefika,sitaki kukuachia,

Wasije hao vibaka,mpenzi kukuchukua,

Nakupenda wewe kaka,mimi kwako nimefika.

Yaani meona wengi,katika hii dunia,

Katika sehemu nyingi,hakuna wakukufikia,

Yani wewe ndio kingi,na mimi ndo malikia,

Nakupenda wewe kaka,mimi kwako naumia.

Nakupenda tena sana,mpenzi nakuzimia,

Waogope wasichana,tena mbali wapitia,

Hata wenye hela sana,magari na nyumba pia,

Nakupenda wewe kaka,mimi kwako nimefika.

Kila ninapokuona moyo wangu wasituka

Ukweli nataka nena,na siwezi kulopoka,

Mungu atupe neema,na pingu tukajivika,

Nakupenda wewe kaka,mimi kwako naumia.

Karibu tufunge ndoa,wewe ndo wangu mpenzi,

Kamwe sitakuondoa,kwa kukuletea ushenzi,

Siwezi kujipodoa,ili kuzidisha penzi,

Nakupenda wewe kaka,mimi kwako nimefika

Nakupenda kwa moyo wote,kila mtu anajua,

Nitakufata popote,ili usije kimbia,

Na mbali nisikutupe,mashosti wakakujia,

Nakupenda wewe kaka,mimi kwako naumia.

Na ukweli ndio huo,hata roho zikiuma,

Wapendao michepuo,Tayari wameshanuna,

Hataki za mipasuo,hata zile za kubana,

Nakupenda wewe kaka,mimi kwako nimefika

.WAWILI TUNAPENDANA

Wawili tunapendana,kama mnavyotuona,

Katu hatuta achana,tumeshapendana sana,

Umizeni vyenu vichwa,kwa maneno na umbea,

Wawili tunapendana,wala msitujadili,

Kila siku twafurahi,Amani tele nyumbani,

Kila muda twafurahi,wala hakuna huzuni,

Pamoja tukifurahi,watu huwa na huzuni,

Wawili tunapendana,wala msitujadili.

Sisi tunavyopendana,jama hamna kifani,

Tena twashirikiana,na sote tunafurahi,

Sisi tunapokutana,kwa mapenzi twajidai,

Wawili tunapendana,wala msitujadili,

Tukiwa mepumzika,pamoja tukifurahi,

Tena watu waudhika,pale tunapojidai,

Tena wana hangaika,kulivunja kwa jinai,

Wawili tunapendana,wala msitujadili.

Pendo letu twalitunza,kamwe lisiharibike,

Hata walitie funza,ili lije haribike,

Pamoja tunalitunza,kamwe lisiharibike,

Wawili tunapendana,wala msitujadili.

.KWANZA WEWE NI FATAKI.

Nimeona maajabu,nikashindwa kua bubu,

Tena watia aibu,na mandevu kama babu,